زانکۆیا زاخۆ لیژنەیەکا بلندا تایبەت ب دووڤچوونا پرۆسەیا خواندنا ئەلکترۆنی پێکئینان
ل ڕۆژا سێشەمبێ، ڕێـککەڤتی (٧ی نیسانا ٢٠٢٦ێ)، ب ئامادەبوونا هەر ئێک ژ ڕێزداران (پ.هـ.د. جاسم محمد عبدو) هاریکارێ سەرۆکێ زانکۆیێ بۆ کاروبارێن زانستی و خواندنا بلند، و (پ.هـ.د. رمضان جعفر مصطفی) هاریکارێ سەرۆکێ زانکۆیێ بۆ کاروبارێن قوتابیان و لگەلدا بەرێزان ڕێڤەبەرێن ICT و دڵنیا جۆری سیستەمێ پۆڵۆنی، لیژنەیەکا بلند بۆ ڕێکخستن و چاڤدێریکردنا خواندنا ئەلکترۆنی (Online) ل سەر ئاستێ زانکۆیێ هاتە پێکئینان.
ئەڤ پێنگاڤە پشتی وێ چەندێ دهێت کو ژبەر بارودۆخێن دەڤەرێ، سیستەمێ خواندنێ ل زانکۆیان گوهۆڕین بۆ هاتیە کرن و بوویە ئۆنڵاین. ئەرکێ سەرەکی یێ ڤێ لیژنێ بریتییە ژ:
• چاڤدێریکرنا هویر: دیڤچوونا چاوانییا برێڤەچوونا وانەیان ب شێوازەکێ تەکنیکی و زانستی.
• دەستنیشانکرنا کێماسییان: نیاسین و دیارکرنا ئاریشێن کو دهێنە پێشیا مامۆستا و قوتابیان.
• دابینکرنا پێدڤیاتییان: کارکرن بۆ دابینکرنا ژینگەهەکا گونجایی یا ئەلکترۆنی و چارەسەرکرنا ئاریشێن تەکنیکی.
ئارمانجا سەرەکی ژ پێکئینانا ڤێ لیژنێ، مسۆگەرکرنا جێبەجێکرنا پرۆسەیا خاندنێ یە ب باشترین کوالێتی و کێمترین ئاستێ ئاریشەیان.